လီဗာပူးက လိဒ်စ်ယူနိုက်တက်ကို ဂိုးပြတ် အနိုင်ရတဲ့ပွဲမှာ ကလော့ပ်ရဲ့ နည်းစနစ် အပြောင်းအလဲတွေက ပွဲရလဒ်ကို သက်ရောက်စေခဲ့ပါတယ်။
ကိုနတေးရဲ့ ပေါ့ဆတဲ့ ဖြစ်ရပ်နဲ့ ပထမပိုင်းမှာ တွဲဘက်မမိဖြစ်နေတဲ့ ကစားဟန်တွေကလွဲရင် တစ်ပွဲလုံးမှာ အထင်ကြီးလောက်စရာတွေ များပြားခဲ့ပါတယ်။ ဂျိုတာ ဂိုးပေါက်ပြန်တွေ့တာ၊ ထရန့် အကောင်းဆုံး ကစားနိုင်ခဲ့တာအပြင် ဒီပွဲမှာ ကျေနပ်စရာက ကောင်တာ-ဖိအားပေးမှု ထူးချွန်ခဲ့ခြင်းပါ။
ပွဲအပြီးမှာ ကလော့ပ်က ” ဘယ်ကနေ စပြောရမယ်ကို မသိပါဘူး။ တစ်ပွဲလုံး သိပ်ကောင်းပါတယ်။ ကစားသမားတွေက တည်ငြိမ်ပြီး ကောင်တာ-ဖိအားပေးမှုတွေမှာ အကောင်းဆုံး ရင့်ကျက်မှုဖြင့် ကစားပြခဲ့ပါတယ် ” လို့ ချီးကျုးခဲ့တယ်။
ဒီပွဲမှာ လီဗာပူးအသင်းဟာ ပြိုင်ဘက် ခြေထောက်ထဲက ဘောလုံးကို လုယူပြီး တိုက်စစ်ဆင်မှုက တစ်ဆင့် အကြိမ်ကြိမ် ဂိုးရခဲ့ပါတယ်။ ဒီပွဲမှာ ပွဲပြီးတဲ့ထိ တန်ပို မချတဲ့ အသင်းသားတွေဟာ ၆-၁ ဖြင့် အနိုင်ရနေစဉ် ပွဲချိန် ၉၂ မိနစ်မှာတောင် လိဒ်စ် ကစားသမားတစ်ဦးကို ၄ ဦးလောက်က ညှပ်ပြီး ဘောလုံးလုခဲ့တာပါ။
"Oh my god!" 😍
Jurgen Klopp's reaction to his Liverpool side showing desire to win the ball back in 92nd minute 🤣 pic.twitter.com/VVGfL8og5x
— Football Daily (@footballdaily) April 17, 2023
အဆိုပါဖြစ်ရပ်ကို မြင်ပြီးတဲ့နောက် နည်းပြထိုင်ခုံမှာ ထို်င်နေတဲ့ ကလော့ပ်က ‘ အိုး ချစ်လိုက်တာကွာ၊ အိုး မိုင် ဂေါ့၊ ဒါမျိုးကို ချစ်လိုက်တာ ‘ ဆိုပြီး စိတ်သက်သာရာကစွာ အောက်ကို လျော့ကွသွားခဲ့ပါတယ်။ ချက်ခြင်းပဲ ကလော့ပ်က ထလာခဲ့ပြီး လက်ခုပ်တီးကာ ဂုဏ်ယူမှုကို ပြသခဲ့ပါတယ်။
အဆိုပါဖြစ်ရပ်ကို ပွဲအစီအစဉ်မှူးတွေနဲ့ ဘောလုံးပရိသတ်တွေ မြင်တဲ့နောက် ကလော့ပ်ရဲ့ ဖိအားပေးဖို့ တောင်ဆိုးမှု မြင့်မားခြင်းကို ချီးကျူးခဲ့ကြတယ်။ ဒီရာသီ လီဗာပူးအသင်း ရုန်းကန်ရမှုတွေ ရှိနေပေမယ့် ကလော့ပ်က အသင်းကို ပြန်ဆယ်မနိုင်မယ်လို့ ယုံကြည်မှုတွေလည်း တိုးပွားလာနေတာ ဖြစ်ပါတယ်။