ပရီးမီးယားလိဂ်ဒိုင်လူကြီးအဖွဲ့ချုပ် PGMOL ကတော့ ချဲလ်ဆီးက ဘုန်းမောက်ကို အနိုင်ရတဲ့ပွဲစဉ်မှ စွမ်းဆောင်ရည်ကြောင့် ဝေဖန်မှုများ ကြုံခဲ့ရတဲ့ ဒိုင်လူကြီး အန်တိုနီတေလာကို အရေးယူမှု ပြုလုပ်လာပါတယ်။
အသက် ၄၅ နှစ်ရှိ အန်တိုနီတေလာဟာ စနေနေ့တုန်းက Vitality Stadium ကွင်းတွင် ချဲလ်ဆီးက ၁-၀ ဂိုးဖြင့် အနိုင်ရတဲ့ပွဲတွင် ပရီးမီးယားလိဂ်တွင် အဝါကတ်အများဆုံးပြသတဲ့ပွဲအဖြစ် အဝါကတ် ၁၄ ကတ်အထိ ပြသခဲ့ပါတယ်။
ယင်းပွဲဟာ ၂၀၁၀ ခုနှစ် ဝုဗ်နှင့် နယူးကာဆယ်ပွဲ၊ ၂၀၁၆ ခုနှစ် ချဲလ်ဆီးနှင့်စပါးစ်ပွဲတို့ရဲံ အဝါကတ် ၁၂ ကတ် စံချိန်ကို ချိုးသွားခဲ့ပါတယ်။
ယင်းပွဲတွင် အန်တိုနီတေလာဟာ ချဲလ်ဆီး ကစားသမား ၈ ဦး၊ ဘုန်းမောက်ကစားသမား ၆ ဦးတို့အား အဝါကတ်ပြသခဲ့ပါတယ်။
ဘုန်းမောက်နှင့် ချဲလ်ဆီးတို့ဟာ အဝါကတ် ၁၄ ကတ်အထိ ပြသခြင်းခံခဲ့ရမှုနှင့်အတူ စည်းကမ်းချိုးဖောက်မှုအတွက် အက်ဖ်အေရဲ့ ပေါင် ၂၅၀၀၀ စီ ဒဏ်ရိုက်ခြင်း ခံခဲ့ရပါတယ်။
တဖက်တွင် ဒိုင်အဖွဲ့ဟာ အန်တိုနီတေလာအား လာမယ့် ပရီးမီးယားလိဂ်ပွဲစဉ်များတွင် ကွင်းလယ်ဒိုင်လူကြီးအဖြစ် တာဝန်မပေးဘဲ အရေးယူလိုက်ပါတယ်။
အန်တိုနီတေလာဟာ စနေနေ့ ဆောက်သတ်တန်နှင့် အစ္စဝှစ်ချ်ပွဲစဉ်မှာ စတုတ္ထဒိုင်လူကြီးအဖြစ်သာ တာဝန်ယူရပါမယ်။