လက်ရှိမှာ ပရီးမီးယားလိဂ် လာလီဂါ စီးရီးအေ ဘွန်ဒက်စ်လီဂါ လီဂူးဝမ်းနဲ့ ဆော်ဒီလိဂ်တို့ရဲ့ နွေဈေးကွက်တွေက ပိတ်သိမ်းသွားခဲ့ပြီ ဖြစ်ပေမယ့် တူရကီ အမှတ်ပေးပြိုင်ပွဲရဲ့ နွေအပြောင်းအရွှေ့ ဈေးကွက်ကတော့ ဖွင့်နေဆဲပါ။
တူရကီ စျေးကွက်ဟာ အခု စက်တင်ဘာ (၁၃)ရက်နေ့အထိ ဖွင့်လှစ်နေဦးမှာဖြစ်လို့ တူရကီအသင်းတွေအနေနဲ့ ကစားသမား ခေါ်ယူမှုတွေကို လာမယ့် (၁၀)ရက်ဝန်းကျင်အထိ လုပ်ဆောင်နိုင်ဦးမှာ ဖြစ်ပါတယ်။
ဖီနာဘာချီအသင်းရဲ့ နည်းပြကြီး မော်ရင်ဟိုက လက်ရှိ ချယ်လ်ဆီးအသင်းမှာ ပွဲကစားခွင့် ရရှိဖို့ လုံးဝ မလွယ်ကူနိုင်တော့မယ့် ဘယ်နောက်ခံကစားသမား ဘင်ချီဝဲလ်ကို တူရကီ နွေဈေးကွက် မပိတ်ခင်အတွင်း ခေါ်ယူသွားချင်နေပါတယ်။
ဒီရက်ပိုင်းအတွင်း တူရကီကလပ် ဂါလာတာစာရေးအသင်းက နာပိုလီရဲ့ တိုက်စစ်ကစားသမား ဗစ်တာ အိုဆီမန်ကို တစ်ရာသီ အငှားစာချုပ်နဲ့ ခေါ်ယူနိုင်ခဲ့ပါတယ်။
တူရကီလိဂ်မှာ ဂါလာတာစာရေးရဲ့ အနီးဆုံး ပြိုင်ဘက်အသင်းဖြစ်တဲ့ ဖီနာဘာချီကလည်း ဘရိုက်တန်အသင်းဆီ ရောင်းချလိုက်တဲ့ ဘယ်နောက်ခံလူ ကာဒီအိုဂလူးရဲ့ နေရာမှာ အစားထိုးဖို့အတွက် ဘင်ချီဝဲလ်ကို ခေါ်ယူဖြည့်တင်းသွားဖို့ စိတ်ဝင်စားလာခဲ့တာဖြစ်ပါတယ်။