ယနေ့ မနက် အစောပိုင်းက ကစားခဲ့တဲ့ ကွန်းဖရန့်လိဂ် ခြေစစ်ပွဲစဉ်တွေမှာ ချယ်ဆီး အသင်းက တာဗက်တီ အသင်းကို ၂ ဂိုးပြတ်နဲ့ ပထမ အကျော့ပွဲ အနိုင်ရခဲ့ပါတယ်။
ချယ်ဆီး ဟာ ဒုတိယပိုင်းထဲ အန်ကွန်ကူရဲ့ ပင်နယ်တီဂိုး၊ လူစားဝင်လာတဲ့ အန်ဇိုနဲ့ မာဒူအက်ခေး အတွဲအဖက်ကနေ မာဒူအက်ခေးရဲ့ ပွဲသိမ်းဂိုးတို့နဲ့ ရလဒ်ကောင်း ရယူနိုင်ခဲ့တာပါ။
ချယ်ဆီး အသင်းရဲ့ အားထားရတဲ့ တိုက်စစ်ကစားသမား ပါလ်မာ တစ်ယောက် တံကောက်ကြော ဒဏ်ရာ ရရှိထားကြောင်း သိရပါတယ်။
အက်သလက်တီကို မက်ဒရစ် ပရိသတ်တွေကတော့ အသင်း တိုက်စစ်ကစားသမား ဖိလစ်ကို ချယ်ဆီး အသင်းထံ ရောင်းထုတ်နိုင်ခဲ့တဲ့အတွက် ဝမ်းသာ ကျေနပ်နေကြပါတယ်။
ချယ်ဆီး တိုက်စစ်မှုးသစ် အဖြစ် တကျေ့ာပြန် ပြန်ရောက်လာတဲ့ ဂျာအို ဖိလစ်က ” ချယ်ဆီး မှာ ကစားခဲ့ရတဲ့ အချိန်တွေကို ကျနော် သဘောကျခဲ့တာပါ၊ ပရီးမီးယားလိဂ်ကို တနေ့ပြန်သွားချင်တယ်လို့ မိသားစုနဲ့ သူငယ်ချင်းတွေကို ကျနော်ပြောဖြစ်ခဲ့တယ်၊ ချယ်ဆီးနဲ့ ပြန်လက်တွဲရတာ အရမ်းကောင်းတဲ့ ခံစားချက်ပါပဲ၊ ပြီးတော့စိတ်လှုပ်ရှားမိပါတယ်” လို့ ပြောဆိုခဲ့ပါတယ်။
ချယ်ဆီး ဟာ သူတို့အသင်းရဲ့ ဘယ်နောက်ခံလူ ဘင်ချီဝဲလ်ကို ခေါ်ယူဖို့အတွက် ယူနိုက်တက်ဆီကို ကမ်းလှမ်း ထားပါတယ်။
နာပိုလီအသင်းဟာ ချယ်ဆီး တိုက်စစ်မှူး လူကာကူကို ခေါ်ယူဖို့ နောက်ဆုံးအနေထားထိ ရောက်ရှိလာခဲ့ပြီဖြစ်ကြောင်း သိရှိရပါတယ်။