လက်ရှိ ပရီးမီးယားလိဂ် ဘောလုံးရာသီမှာ ပြစ်ဒဏ်ဘောကျူးလွန်မှု အများဆုံး ကစားသမားစာရင်း ထွက်ပေါ်လာခဲ့ပြီ ဖြစ်ပါတယ်။
ချယ်ဆီး ကွင်းလယ်လူ ကော်နာ ဂယ်လာဂါဟာ ပရီးမီးယားလိဂ်ရဲ့ ပြစ်ဒဏ်အကျူးလွန်ဆုံး ကစားသမားအဖြစ် ထိပ်ဆုံးက ရပ်တည်နေပါတယ်။ ဂလယ်လာဂါဟာ ဒီရာသီအတွင်း ပရီးမီးယားလိဂ်ပွဲ ၁၂ ပွဲကစားထားရာမှာ ပြစ်ဒဏ်ဘော ၂၆ ကြိမ် ကျူးလွန်ထားပါတယ်။
ဂယ်လာဂါဟာ နည်းစနစ်ပိုင်းအရ ချယ်ဆီးကွင်းလယ်မှာ အန်ဇိုနဲ့ ကိုင်ဆီဒိုကြား ဟန်ချက်ညီမှု ရှာဖွေရေးအပြင် ပြိုင်ဘက် တိုက်စစ်ကို ရပ်တန့်ရေး၊ ဖိအားပေးရေး စတဲ့ စွယ်စုံရ ကစားသမားအဖြစ် တာဝန်ယူနေတာပါ။
အင်္ဂလန်လက်ရွေးစင်ဟာ တစ်ပွဲလျှင် ပျမ်းမျှ ၂.၁ ကြိမ် ပြစ်ဒဏ်ဘော ကျူးလွန်ထားတာပေမယ့် အဝါကတ် အားဖြင့်တော့ ၁ ကြိမ်တည်းသာ ပြသခံထားရပါတယ်။
ပရီးမီးယားလိဂ်ရဲ့ ပြစ်ဒဏ် အကျူးလွန်ဆုံး ကစားသမားစာရင်းမှာ ကွင်းလယ်ခံစစ်သမား အများစု ပါဝင်နေကြတာ ဖြစ်ပါတယ်။