တိုက်စစ်မှူး ဂျိုတာ ဂိုးပေါက်ပြန်တွေ့နေခြင်းနဲ့အတူ ဒီကနေ့ပွဲမှာ လီဗာပူးက ဖောရက်စ်ကို ၃-၂ ဖြင့် အနိုင်ရခဲ့ပါတယ်။
ဂျိုတာဟာ ဒီတစ်ရာသီလုံး ဂိုးပေါက်ပျောက်နေခဲ့ခြင်းဖြစ်ကာ ပြီးခဲ့တဲ့ လိဒ်စ်ကို ၆-၁ နဲ့ အနိုင်ရတဲ့ပွဲမှာ ၂ ဂိုး သွင်းယူခဲ့ပြီး ဒီကနေ့ပွဲမှာလည်း ၂ ဂိုး သွင်းယူခဲ့တာ ဖြစ်ပါတယ်။ ပထမပိုင်းမှာ အပိုင်အခွင့်အရေးကို လွဲချော်ခဲ့ပေမယ့် အသင်း ဖိအားတွေအောက် ရောက်လာချိန်မှာ ဂိုးသွင်းမုဆိုးကြီးဟာ သူ့တာဝန်ကို ကျေပွန်ခဲ့ပါတယ်။
Liverpool [2] – 1 Nottingham Forest
— zack💚 FAST GOALS (@GoalsZack) April 22, 2023
လီဗာပူး နိုင်ပွဲရဖို့ ကူညီနိုင်ခြင်းအတွက် ပွဲအပြီးမှာ ဂျိုတာက ” နိုင်ပွဲ ရပြီးရင် နောက်ထပ် နိုင်ပွဲနဲ့ ဆက်လိုက်နိုင်ဖို့က တကယ် အရေးကြီးတယ် လို့ ကျနော် ထင်တယ်။ မျှော်လင့်ထားသလိုပဲ တကယ်ကို ခက်ခဲတဲ့ ပွဲလည်း ဖြစ်ခဲ့တယ်။
တစ်ဂိုးရဖို့ အတော်ကြီး စောင့်ခဲ့ရတာပါ။ နောက်ပြီး ဂိုးတော့လည်း သူတို့ နှစ်ကြိမ် နောက်က ပြန်လိုက်လာခဲ့တယ်။ ဒါပေမယ့် ဒီကိစ္စတွေက ကျနေ်ာတို့ ပြန် ကြည့် လေ့လာ ဆန်းစစ်ရမှာပါ။
တည်ကန်ဘောတွေက တကယ်ကို အရေးကြီးတာပါ၊ ဒါကို ကျနော်တို့ ကြို သိထားပေမယ့် သူတို့ အဲဒီကနေပဲ ဂိုးတွေ သွင်းသွားတယ်။ ခံစစ်ပိုင်း ကျနော်တို့ တိုးတက်ဖို့ လိုပါတယ်။ တိုက်စစ်ကတော့ ပြီးပြည့်စုံလုနီးပါးပါပဲ ” လို့ ပြောခဲ့ပါတယ်။
ဒီရာသီမှာ လီဗာပူးရဲ့ ရည်မှန်းချက်က ထိပ်ဆုံး ၆ သင်းထဲ ဝင်ရေးလား မေးခွန်းအတွက်တော့ ” ကျနော်တို့ နိုင်ပွဲတွေ ဆက်ပြီး ယူဖို့လိုပါတယ်။ အဲဒီကနေ ဘယ်ထိ ရောက်မလဲ ကြည့်ကြရမှာပါ” လို့ တုန့်ပြန်သွားတာပဲ ဖြစ်ပါတယ်။